PSV Erediviziyada 36 illik rekord qələbə seriyasını təkrarlayıb. Matc.az xəbər verir ki, Peter Bosun yetirmələri XVII turda “Ekselsior”a 3:1 hesabı ilə qalib gələrək bunu reallaşdırıb.

Eyndhoven təmsilçisi çempionatın əvvəlki 16 görüşündə də qalib gəlmişdi. Top fərqi isə komandanın 59:7 xeyrinədi.

PSV bununla 1987-88 mövsümündə Niderland çempionatındakı rekordunu təkrarlayıb. Başqa heç bir komanda turnirə ardıcıl 17 qələbə ilə başlamayıb.

PSV Erediviziyanın növbəti oyunda “Utrext”lə qarşılaşacaq. Bu qarşılaşma yanvarın 21-də baş tutacaq.