“Napoli”nin hücumçusu Viktor Osimxen İngiltərə Premyer Liqasında oynamaq istəyib-istəmədiyi ilə bağlı sualı cavablandırıb. Matc.az xəbər verir ki, Nigeriya millisinin üzvü bunu istisna etməyib.

“Əlbəttə, Premyer Liqada oynamaq istərdim. Amma hələlik karyeramla bağlı başqa planlarım var. Vaxtı gələndə hər şeyi biləcəksiniz”, - deyə Osimxen bildirib.

Qeyd edək ki, 25 yaşlı forvard 2020-ci ildən “Napoli”də çıxış edir. Neapollularla müqaviləsini 2026-cı ilə qədər uzadan forvard bu mövsüm bütün turnirlərdə 18 oyun keçirib, 8 qol vurub, 3 məhsuldar ötürmə verib.