Apellyasiya Arbitraj Tribunalı “Qəbələ”nin futbolçusu Samuel Tettehlə bağlı qərarını açıqlayıb. Matc.az xəbər verir ki, AFFA İntizam Komitəsinin qanalı hücumçu ilə bağlı qərarı qüvvədə saxlanılıb.

Yəni “Qəbələ”nin apellyasiya şikayəti təmin olunmayıb. “Qırmızı-qaralar”ın bu qərardan Lozannadakı (İsveçrə) İdman Arbitraj Məhkəməsinə (CAS) şikayət etmək hüququ var.

Qeyd edək ki, Premyer Liqanın XVII turunda “Səbail”lə keçirilən matçın 36-cı dəqiqəsində rəqibə zərbə endirdiyi üçün birbaşa qırmızı vərəqə alan Samuel Tettehə 2-si şərti olmaqla 4 oyunluq cəza verilib, klubu isə 3000 manat cərimə olunub.