“Real” “Mançester Siti”nin hücumçusu Erlinq Halandın mümkün transferini nəzərdən keçirir. Matc.az xəbər verir ki, İspaniya klubu bununla bağlı Norveç millisinin üzvünün yaxınları ilə əlaqə saxlayıb.

Gənc forvard danışığa müsbət reaksiya versə, o zaman “kral klubu” İngiltərə çempionunun rəhbərliyi ilə təmas quracaq. Ötən ilin yayında Dortmund “Borussiya”sından “Real”a keçən yarımmüdafiəçi Cud Bellingem də Halandı razı salmaq üçün onunla tez-tez əlaqə saxlayır.

Qeyd edək ki, 23 yaşlı forvardın “Mançester Siti” ilə müqaviləsi 2027-ci ilin yayına qədərdi.