"Yuventus"un keçmiş baş direktoru, hazırda "İnter"də çalışan Cüzeppe Marotta Turin klubunu hücumçu Kriştiano Ronaldoya görə tərk etmədiyini açıqlayıb.

 

Matc.az xəbər verir ki, 67 yaşlı mütəxəssis Turin klubundan ayrılmaq səbəbinin başqa olduğunu vurğulayıb:

 

"Ronaldo bir brenddir, amma getməyimin səbəbi o deyildi. "Yuventus"dan ayrıldım, çünki müəyyən yaşda gənclərə yol vermək lazımdır və onların doqquz ildən sonra komandanı yeniləmək istəmələri ədalətlidir. Andrea Agnelli ilə hələ də yaxşı münasibətdəyəm".