“Selta” “Nyukasl”ın müdafiəçisi Xavyer Mankilyonu transfer edib. Matc.az xəbər verir ki, La Liqa təmsilçisi bunu rəsmi saytı vasitəsilə elan edib.

Bildirilib ki, 29 yaşlı ispaniyalı ilə 1,5 illik müqavilə imzalanıb. Mankilyo 2025-ci ilin yayına kimi yeni komandasına məxsus olacaq.

Qeyd edək ki, Xavyer Mankilyo 2017-ci ildən bəri “Nyukasl”da çıxış edib. O, “Atletiko”, “Marsel” və “Liverpul” kimi klubların formasını geyinib.