“Atletiko”nun sol cinah müdafiəçisi Xavi Qalan “Real Sosyedad”a keçir. Matc.az xəbər verir ki, bu barədə tanınmış insayder Fabritsio Romano paylaşım edib.

Onun sözlərinə görə, 29 yaşlı futbolçu La Liqa təmsilçisində tibbi müayinədən keçib. Futbolçu mövsümün ikinci dövrəsini icarə əsasında “Real Sosyedad”da keçirəcək. Müqaviləyə satın alma opsionu daxil olmayacaq.

Qeyd edək ki, Xavi Qalan ötən ilin yayında 5 milyon avroya “Selta”dan “Atletiko”ya keçib. O, cari mövsüm cəmi 9 matçda iştirak edib. Futbolçunun paytaxt təmsilçisi ilə müqaviləsi 2026-cı ilə qədərdi.