Premyer Liqanın XX turunda “Sumqayıt”la qarşılaşacaq “Araz-Naxçıvan” məşqlərini bərpa edib. Matc.az xəbər verir ki, bu gün Bakı Olimpiya Stadionunda keçirilən hazırlıqda zədəli İsmail Azzaui, İqor Ribeyro və Orxan Əliyev, eləcə də “Qarabağ”la matçda sarı vərəqə alaraq cəzalı duruma düşən Abdulla Rzayev yer almayıb.

Azzauinin “Sumqayıt”la qarşılaşmanı buraxacağı dəqiqdi. Orxanla İqor isə həkim nəzarəti altında müalicələrini davam etdirirlər. Onların bazar günkü görüşə yetişdirilməsinə çalışılır.

Qeyd edək ki, yanvarın 28-də “Dalğa Arena”da keçiriləcək “Araz-Naxçıvan” – “Sumqayıt” matçı saat 15:00-da start götürəcək.