29 Yanvar 2024, 11:44
FUTBOL

Sabah Azərbaycan Kubokunda 1/4 final mərhələsinə start veriləcək. Matc.az saytının məlumatına görə, raundun ilk oyunları iki günü əhatə edəcək.
 
Öncə sabah paytaxt təmsilçiləri “Səbail”lə “Zirə” birincilərin meydanında üz-üzə gələcək. Premyer Liqanın turnir cədvəlində qonşu olan Bakı klublarından biri kubokda yarımfinala adlayacaq.
 
Ardından mərhələnin mərkəzi matçı oynanılacaq. “Qarabağ” uğursuz mövsüm keçirən “Sabah”ın qonağı olacaq. Çempionatda işləri yolunda getməyən Murad Musayevin yetirmələri üçün avrokuboklara vəsiqəyə ən asan yol kubokdan keçir. Lakin bakılılar bunun üçün ilk növbədə Ağdam təmsilçisini mübarizədən kənarlaşdırmalıdı.
 
Yanvarın 31-də daha iki qarşılaşma olacaq. Turnirin son qalibi “Qəbələ” “Araz-Naxçıvan”ın qonağı olacaq. “Neftçi” isə səfərdə “Sumqayıt”la üz-üzə gələcək.
 
Qeyd edək ki, mərhələnin cavab görüşləri fevralın 8-9-da keçiriləcək.
 
Azərbaycan Kuboku
1/4 final
30 yanvar (çərşənbə axşamı)
 
15:00. “Səbail” – “Zirə”
“ASCO Arena”
 
19:00. “Sabah” – “Qarabağ”
“Bank Respublika Arena”
 
31 yanvar (çərşənbə)
 
16:00. “Araz-Naxçıvan” – “Qəbələ”
“Dalğa Arena”
 
19:00. “Sumqayıt” – “Neftçi”
“Kapital Bank Arena”

XƏBƏRİ PAYLAŞ
  • gplus
  • pinterest