Mixail Mudrikin Donetsk “Şaxtyor”undan “Çelsi”yə transferi üçün bonus ödənişləri London komandasının Top-turnirlərdə qazanacağı qələbələrdən asılı olacaq. Matc.az xəbər verir ki, “zadəganlar”ın Premyer Liqa və Çempionlar Liqasındakı mümkün uğuru ukraynalılara qazanc gətirəcək.

Belə ki, “Çelsi” hansı turnirdə çempion olsa, “Şaxtyor” əlavə 5 milyon avro büdcəsinə əlavə edəcək. Yəni, ingilislər qatıldığı 6 turnirin hamısında baş mükafata sahib çıxsa, “Şaxtyor”a ümumilikdə 30 milyon avro ödəməli olacaq.

Qeyd edək ki, Mudrik ötən ilin yanvarında 70 milyon avroya “Çelsi”yə keçib. O, bu mövsüm “mavilər”in heyətində bütün turnirlərdə 24 oyunda 3 qol vurub, 2 assist edib. Futbolçunun London klubu ilə müqaviləsi 2031-ci ilə qədərdi.