“Əl İttihad”ın hücumçusu Kərim Benzema qış “transfer pəncərəsi”ndə klubu tərk etməyəcək. Matc.az xəbər verir ki, 36 yaşlı fransız Avropa klublarının marağına baxmayaraq, komandadan ayrılmayacaq.

Xüsusilə Benzemanın “Lion”a qayıda və ya Premyer Liqa klubuna keçə biləcəyi bildirilirdi. Benzema əvvəllər “Əl İttihad”ın düşərgəsinə bir neçə həftə gecikmişdi. Bundan əlavə, futbolçu tənqidlərə görə sosial şəbəkələrdəki hesabını silib.

Qeyd edək ki, Kərim Benzema “Əl-İttihad”a ötən yay keçib. O, Səudiyyə Ərəbistanı klubunda 20 oyunda 12 qol vurub, 5 məhsuldar ötürmə verib. Forvardın müqaviləsi 2026-cı ilə qədərdi.