“Real” heyətinə yeni futbolçu cəlb edib. Matc.az xəbər verir ki, İspaniya klubu 17 yaşlı ukraynalı qapıçı İlya Voloşinlə müqavilə imzaladığını açıqlayıb.

O, “kral klubu” ilə 2026-cı ilin yayına qədər sözləşmə bağlayıb. 202 santimetr boya malik qolkiper əvvəllər İspaniyanın gənclərdən ibarət komandalarında çıxış edib. Voloşin 2022-ci ilin sentyabrında azad agent kimi İspaniyanın “Novelda” klubuna keçib. Oyunçu “Dnepr”in yetirməsidi.

Qeyd edək ki, “Real”ın heyətində cari mövsüm əsas qapıçıya çevrilən digər ukraynalı Andrey Lunin də çıxış edir.