PSJ-nin hücumçusu Kilian Mbappenin “Real”a mümkün keçidindən sonra müqavilənin təfərrüatları məlum olub. Matc.az xəbər verir ki, Fransa millisinin üzvü İspaniya nəhəngi ilə 6 illik müqavilə bağlayacaq.

Keçid reallaşarsa, 25 yaşlı forvard vergilərdən sonra illik 32 milyon avro maaş alacaq. Bundan başqa, ulduz futbolçuya 100 milyon avroluq imza bonusu ödəniləcək. Mbappe həm də imic hüquqlarının 60 faizinə sahib olacaq.

“Kral klubu”nun rəhbərliyi oyunçunun mövsümün sonunda transfer olunacağına tam əmindi.

Qeyd edək ki, Mbappe 2017-ci ilin avqustundan PSJ-də çıxış edir. Forvard bu mövsüm bütün turnirlərdə 28 matçda 29 qol vurub, 7 məhsuldar ötürmə verib.