Sabah Fransanın paytaxtı Parisdə UEFA Milətlər Liqasının 2024-25 mövsümünün püşkü atılacaq. Matc.az xəbər verir ki, püşkatma mərasimində AFFA rəsmiləri də iştirak edəcək.

Belə ki, milli assosiasiyanın vitse-prezidentləri Elşad Nəsirov, Vaqif Sadıqov, baş katibi Sərxan Hacıyev, millimizin məşqçisi Arif Əsədov, Mətbuat və İctimaiyyətlə Əlaqələr Departamentinin rəhbəri Elnur Məmmədli və İcraiyyə Komitəsinin protokolu Orxan Əhmədov tədbirə qatılacaqlar.

Qeyd edək ki, mərasim Bakı vaxtı ilə saat 21:00-da başlayacaq.