“Napoli”nin futbolçusu Xviçi Kvaratsxeliya klubla yeni müqavilənin müzakirə olunmasından imtina edib. Matc.az xəbər verir ki, bunu İtaliya klubunun prezidenti Aurelio De Laurentis açıqlayıb.

O bildirib ki, gürcüstanlı hücumçunun nümayəndələri mövsümün sonuna qədər sözləşmənin uzadılması məsələsini müzakirə etmək istəmir:

“Üç ay əvvəl onun agentləri ilə görüşdük, müqaviləni uzatmağı təklif etdim. Ancaq nümayəndələri bildirdi ki, narahat olmayın, burada xoşbəxtik, mövsümün sonunda danışarıq”.

Qeyd edək ki, 22 yaşlı forvardın hazırkı müqaviləsi 2027-ci ildə başa çatır.