“Sabah”ın baş məşqçisi Krunoslav Renduliç Azərbaycan çempionatlarında debüt edib. Matc.az xəbər verir ki, xorvatiyalı mütəxəssisin ilk görüşü Premyer Liqanın XXVI turunda “Qəbələ” ilə qarşılaşmaya təsadüf edib.

“Sabah”ın baş məşqçisi Krunoslav Renduliç Azərbaycan çempionatlarında debüt edib. Matc.az xəbər verir ki, xorvatiyalı mütəxəssisin ilk görüşü Premyer Liqanın XXVI turunda “Qəbələ” ilə qarşılaşmaya təsadüf edib.

Renduliçin komandası öz meydanında 2:1 hesablı qələbə qazanıb. O, Azərbaycan çempionatları tarixinə 63-cü legioner baş məşqçi kimi düşüb.

Renduliç həm də Azərbaycan çempionatının 3-cü xorvatiyalısıdı. Ona qədər Stepan Çordaş “Şüvəlan”da, Jelko Sopiç “Sabah”da işləyib.

“Sabah”ın 4-cü legioner çalışdırıcısı olan Renduliç və digər xorvatiyalı Jelko Sopiçdən başqa, komandaya Visente Qomes, həmçinin Murad Musayev də rəhbərlik edib.