“Qarabağ” Avropanın istənilən komandasına problem yarada bilər”. Matc.az xəbər verir ki, bu sözləri rusiyalı futbol məşqçisi Yuri Syomin “Qarabağ”ın Avropa Liqasının 1/8 final mərhələsinin cavab qarşılaşması çərçivəsində səfərdə Almaniya “Bayer”i ilə keçirəcəyi oyunla bağlı danışarkən deyib.

“Qarabağ” Avropanın istənilən komandasına problem yarada bilər”. Matc.az xəbər verir ki, bu sözləri rusiyalı futbol məşqçisi Yuri Syomin “Qarabağ”ın Avropa Liqasının 1/8 final mərhələsinin cavab qarşılaşması çərçivəsində səfərdə Almaniya “Bayer”i ilə keçirəcəyi oyunla bağlı danışarkən deyib.

77 yaşlı mütəxəssis Ağdam klubunun yüksək səviyyədə inkişaf etdiyini bildirib: “Komandanın bu yerlərə gəlib çıxmasında Qurban Qurbanovun əməyi böyükdü. Azərbaycan klubları arasında ilk dəfə olaraq “Qarabağ” Avropa Liqasının 1/8 final mərhələsinə vəsiqə qazandı. Bu, ölkə futbolu adına böyük uğurdu. İnanıram ki, bu gecə də Ağdam təmsilçisi “Bayer”ə qarşı layiqli mübarizə aparacaq. Uğurlar arzulayıram”.

Vaxtilə “Qəbələ”nin baş məşqçisi olmuş Syomin Azərbaycanda yalnız bir komandanın oyunlarını izlədiyini söyləyib: “Sabiq komandam “Qəbələ”nin matçlarına baxa bilmirəm. Yalnız “Qarabağ”ın avrokubok görüşlərini izləyirəm”.

Qeyd edək ki, “Qarabağ” “Bayer”lə Bakıda keçirilən ilk matçda 2:2 hesablı heç-heçə edib. Komandalar arasında cavab qarşılaşması bu gün Bakı vaxtı ilə saat 00:00-da baş tutacaq. Azərtac