12 Aprel 2024, 16:39
FUTBOL

İtaliya növbəti mövsüm Çempionlar Liqasında 5 komanda ilə təmsil oluna bilər. Matc.az xəbər verir ki, bunun artıq gələn həftə rəsmiləşməsi gözlənilir.
 
Ölkənin 5-ci iştirakçısına ÇL vəsiqəsi verilməsi “Fiorentina” və “Atalanta”dan asılıdı. Bunun üçün “Fiorentina” Konfrans Liqasının 1/4 final mərhələsində “Viktoriya”nı üstələməli, “Atalanta” isə Avropa Liqasının eyni mərhələsində “Liverpul”a uduzmamalıdı.
 
Bu cütlərin ilk görüşlərində “Fiorentina” səfərdə qolsuz bərabərə qalıb, “Atalanta” isə rəqibin meydanında 3:0 hesablı qələbə qazanıb.
 
Qeyd edək ki, Avropa Liqası və Konfrans Liqasında 1/4 final mərhələsinin cavab matçları aprelin 18-də keçiriləcək.

XƏBƏRİ PAYLAŞ
  • gplus
  • pinterest