"Barselona"a yarımmüdafiəçi Fermin Lopezlə müqaviləni uzadıb.

Matc.az xəbər verir ki, bu barədə məlumatı Kataloniya klubunun rəsmi saytı paylaşıb.

Bildirilir ki, 21 yaşlı oyunçunun yeni müqaviləsi 2029-cu ilin yayına kimi nəzərdə tutulub. Müqavilədə İspaniya millisinin futbolçusuna 500 milyon avro təzminat maddəsi də yer alıb.

Qeyd edək ki, Fermin Lopez "Barselona"nın heyətində bütün turnirlərdə 48 oyun keçirib, 11 qol vurub və 3 məhsuldar ötürmə edib.