"Qalatasaray"ın hücumçusu Viktor Osimhen Nigeriya millisində də fərqlənib. Matc.az xəbər verir ki, nigeriyalılar Afrika Millətlər Kubokunun seçmə mərhələsi çərçivəsində Benin yığması ilə üz-üzə gəliblər.

1:1 hesabı ilə nəticələnən qarşılaşmada Nigeriyanın yeganə qolunu məhz Osimhen vurub. O, 81-ci dəqiqədə komandasının bərabərlik qoluna imza atıb.

Qeyd edək ki, 2017-ci ildən Nigeriya millisinin şərəfini qoruyan Osimhen bu yay "Napoli"dən icarə əsasında "Qalatasaray"a keçib. O, “sarı-qırmızılar”ın heyətində 9 oyunda 8 dəfə rəqib qapılarına yol tapıb.