Əliyar Ağayev oyun ərzində cəmi bir sarı vərəqə göstərib.

Azərbaycanın FİFA referisi Əliyar Ağayev UEFA Millətlər Liqasında növbəti oyunu idarə edib. Matc.az xəbər verir ki, təcrübəli hakim A Liqasının 3-cü qrupunun 6-cı turunda Bosniya və Herseqovina - Niderland görüşündə iş başında olub.

Ağayevə Zeynal Zeynalov və Akif Əmirəli yardımçı olublar. Dördüncü hakim funksiyasını isə İnqilab Məmmədov icra edib.

Görüş 1:1 hesabı ilə nəticələnib. Əliyar Ağayev oyun ərzində cəmi bir sarı vərəqə göstərib. O, 76-cı dəqiqədə Bosniya və Herseqovinanın üzvü Ermedin Demiroviçə xəbərdarlıq edib.