"Kəpəz"in iki futbolçusu əməliyyat olunacaq. Matc.az xəbər verir ki, bu barədə klubun mətbuat xidməti məlumat yayıb.

Bildirilib ki, yarımmüdafiəçisi Elmir Tağıyev və müdafiəçisi İlkin Qırtımov əməliyyat ediləcək.

Əzələ qopmasından əziyyət çəkən Elmir Tağıyev Türkiyənin İstanbul şəhərində əməliyyat olunacaq. İlkin Qırtımovun əməliyyatı isə Bakıda reallaşacaq. Ona diz oynağının medial meniskin yırtığı diaqnozu qoyulub.

Həm Tağıyev, həm də Qırtımovun bərpa müddəti 3 həftə çəkəcək.