"Neftçi" Misli Premyer Liqasının 14-cü turunda qarşılaşacağı "Zirə" klubu ilə oyunun hazırlığını başa vurub.

Matc.az klubun mətbuat xidmətinə istinadən xəbər verir ki, "ağ-qaralar" bu gün "Neftçi" Futbol Mərkəzində oyunöncəsi son məşqə çıxıb.

"Neftçi" "Zirə" ilə görüşə itkilərlə çıxacaq. Azər Salahlı, Andre Şinyaşiki, Emin Mahmudov və Dembo Darbo zədə səbəbindən, Kilan Lebon isə cəzalı olduğu üçün sabah meydana çıxa bilməyəcəklər.

Qeyd edək ki, noyabrın 23-də "Neftçi Arena"da baş tutacaq "Neftçi" – "Zirə" matçı saat 19:00-da başlanacaq.