"Turan Tovuz" tarixində 10-cu dəfə "Sabah"la çempionat oyununa çıxacaq.

Misli Premyer Liqasının XIV turunun son günü Tovuzda başlayacaq.

Matc.az xəbər verir ki, "Turan Tovuz" tarixində 10-cu dəfə "Sabah"la çempionat oyununa çıxacaq.

Bunadək komandalar 9 dəfə görüşüblər. Bakı klubu minimal üstünlüyə malikdir. Paytaxt təmsilçisi 4, Tovuz klubu 3 dəfə qalib gəlib.

Digər iki qarşılaşmada sülh qeydə alınıb. Top fərqində qərblilər öndədirlər – 13-12.

Qələbə sayında geri qalan "Turan Tovuz"un daha çox top vurması yeganə böyükhesablı nəticə və məhsuldar seriya ilə bağlıdır. Qərb təmsilçisi son 5 qarşılaşmada meydanı qolsuz tərk etməyib. Bu, son üç matçda xal qazanmaq üçün də yetərli olub. Yəni "Sabah" son 3 görüşdə qalib gəlməyib.

Qeyd edək ki, Tovuz şəhər stadionundakı görüş saat 17:00-da başlayacaq.

16.09.2022. "Sabah" – "Turan Tovuz" - 3:1
29.11.2022. "Turan Tovuz" – "Sabah" - 0:1
19.02.2023. "Sabah" – "Turan Tovuz" - 0:2
22.04.2023. "Turan Tovuz" – "Sabah" - 0:2
01.09.2023. "Sabah" – "Turan Tovuz" - 0:3
11.11.2023. "Turan Tovuz" – "Sabah - 2:3
03.02.2024. "Sabah" – "Turan Tovuz" - 1:1
06.04.2024. "Turan Tovuz" – "Sabah" - 2:0
15.09.2024. "Sabah" – "Turan Tovuz" - 2:2