Emil start heyətdə yer almasa da, sonradan meydana daxil olub.

Ukrayna çempionatında 14-cü tur başa çatıb. Matc.az xəbər verir ki, turun son görüşündə Azərbaycan yığmasının üzvü Emil Mustafayevin formasını geydiyi “Polesya” “Zarya”nı qəbul edib.

Qarşılaşmada heç-heçə qeydə alınıb - 1:1.

Emil start heyətdə yer almasa da, sonradan meydana daxil olub. O, 74-cü dəqiqədə - komandası hesabda geri olanda şans qazanıb. Mustafayev oyuna qoşulandan sonra “Polesya” bərabərlik qolunu vurmağa müvəffəq olub.

Qeyd edək ki, aktivində 23 xal olan “Polesya” turnir cədvəlində 4-cüdü.