“Çox keyfiyyətli komandaya qarşı oynayacağıq”. Matc.az xəbər verir ki, bunu “Qarabağ”ın baş məşqçisi Qurban Qurbanov Avropa Liqasının Liqa mərhələsinin V turunda “Lion”la (Fransa) Bakıda keçiriləcək oyundan əvvəl mətbuat konfransında deyib.

Təcrübəli mütəxəssis komandanın sabahkı görüşə hazır olduğunu bildirib: “Vacib oyundu, pis hazırlaşmamışıq. Çox istəyirik ki azarkeşlərimizi sevindirək və uğurlu çıxış edək. Rəqibin heyətinə baxmışıq. Özümüzlə bağlı müəyyən sual doğuran məsələlər var. Rəüibdə böhran oldu-olmadı, istənilən komandaya qarşı hazırlaşırıq. Bu cür klubların maliyyə böhranının yoluna qoyulmasında problem görmürəm. Böyük klublarda da böhran olur. Məncə, belə fikirlərdən uzaq olmaq lazımdı”.

Qeyd edək ki, sabah Tofiq Bəhramov adına Respublika Stadionunda keçiriləcək “Qarabağ” – “Lion” oyunu saat 21:45-də başlayacaq.