Səudiyyə Ərəbistanının "Əl-Nəsr" komandasının mərkəz müdafiəçisi Aymerik Laport "Real"ın baş məşqçisi Karlo Ançelottinin qış "transfer pəncərəsi"ndə əsas istəyidir.

Matc.az xəbər verir ki, bu barədə "The Athletic" nəşri məlumat paylaşıb.

Bildirilir ki, Madrid klubu Ançelottinin istəyi ilə Laportun transferini araşdırır, lakin onun imzalanmasının İspaniya nəhəngi üçün maliyyə baxımından çətin olacağına inanılır.

Qeyd edək ki, Laport 2023-cü ilin avqustunda "Mançester Siti"dən "Əl-Nəsr"ə keçib. Onun klubla müqaviləsi 2026-cı ilin yayına kimi nəzərdə tutulub. "Transfermarkt" portalında futbolçunun bazar dəyəri 20 milyon avrodur.