"Real" 26 yaşlı sağ cinah müdafiəçisi Trent Aleksander-Arnoldu almaq istəyinin olduğu barədə "Liverpul"u məlumatlandırıb.

Matc.az xəbər verir ki, bu barədə "talkSPORT" məlumat paylaşıb.

Bildirilir ki, Madrid klubu ingilis futbolçu ilə müqavilə imzalamaq niyyəti barədə "Liverpul"a rəsmi məlumat verməyə borclu deyil. Onun müqaviləsi gələn yayda başa çatır və yanvar ayından etibarən başqa klubla ilkin müqavilə imzalaya bilər. Bununla belə, "Real" mersisaydlılara nəzakət göstərmək istəyib.

Qeyd edək ki, bu mövsüm Aleksander-Arnold bütün yarışlarda 15 matçda iştirak edib və iki məhsuldar ötürmə edib. "Transfermarkt" portalında futbolçunun bazar dəyəri 70 milyon avrodur.