"Liverpool" mərkəz müdafiəçisi Vircil van Deyklə 2025-ci ilin yayında bitəcək müqavilənin uzadılması ilə bağlı danışıqlar son həftələrdə irəliləyib.

Matc.az xəbər verir ki, bu barədə "TBR Football" məlumat yayıb.

Bildirilir ki, van Deyklə müqavilənin uzadılmasının elanı zaman məsələsidir. Bu, dekabrın 27-də, "Liverpul"un 2017-ci ildə niderlandlı futbolçunun "Sauthempton"dan transferini rəsmi olaraq elan etdiyi gün baş tuta bilər.

Qeyd edək ki, bu mövsüm van Deyk bütün yarışlarda 17 matçda iştirak edib, iki qol vurub və bir məhsuldar ötürmə edib. "Transfermarkt" portalında futbolçunun bazar dəyəri 30 milyon avrodur.