AFFA İntizam Komitəsi aşağı yaş qrupu üzrə liqalarda çıxış edən iki komandaya texniki məğlubiyyət verib. Matc.az xəbər verir ki, qərar U-10 və U-12 liqalarına şamil edilib.

U-10 Liqasında keçirilməli olan “Zirvə” – “Lamasya” (Baku) oyunu birincilərin heyətində yetərsay olmadığından, baş tutmayıb. Bu üzdən “Zirvə”yə 0:3 hesablı texniki məğlubiyyət verilib.

U-12 Liqasında isə “Sumqayıtspor” – “Uğur” (Sumqayıt) görüşü qonaqların heyətində yetərsay olmadığına görə keçirilməyib. Bu da “Uğur”un 0:3 hesablı texniki məğlubiyyətlə cəzalandırılmasına yol açıb.