“Barselona”nın yarımmüdafiəçisi Lamin Yamal özünə yeni sevgili tapıb. Matc.az xəbər verir ki, depressiyadan çıxan İspaniya millisinin üzvü italyan model və TikTok ulduzu Anna Genoso ilə birgədi.

17 yaşlı Yamal özündən iki yaş böyük olan sevgilisi ilə birlikdə mağazada alış-veriş edərkən görüntülənib. Genoso onu La Liqanın XV turunda “Las Palmas”la (1:2) keçirilən oyunda tribunadan dəstəkləyib. Yamalın sevgilisinin sosial şəbəkələrdə ümumilikdə 1 milyondan çox abunəçisi var.

Qeyd edək ki, Lamin Yamal bu ilin iyulunda 20 yaşlı braziliyalı tələbə Aleksa Padilya ilə sosial şəbəkələrdə yayım zamanı başqa bir oğlanın qucağında oturarkən görüntüləndikdən sonra ayrılıb.