DÇ-2034 qışda keçirilə bilər. Matc.az xəbər verir ki, bu, yarışın hansı ölkəyə verilməsindən asılı olacaq.

Hazırda ev sahibliyi üçün yeganə namizəd Səudiyyə Ərəbistanıdı. Artıq dekabrın 11-də FIFA-nın Konqresində mundialın məkanı təsdiqlənəcək.

Səudiyyə Ərəbistanında yayda havanın isti olduğu nəzərə alınaraq, DÇ-2034-ün yanvarda təşkili planlaşdırılır. Ramazan ayı ilə üst-üstə düşməməsi üçün dünya çempionatının yanvarın əvvəlində başlaması variantı nəzərdən keçirilir.

Qeyd edək ki, 2022-ci ildəki dünya çempionatı noyabrın 20-dən dekabrın 18-dək Qətərdə keçirilib.