UEFA Avropa Liqasının Liqa mərhələsi çərçivəsində keçiriləcək "Elfsborq" (İsveç) – "Qarabağ" qarşılaşmasını "Boras Arena" stadionunda izləmək və Azərbaycan təmsilçisini dəstəkləmək istəyən azarkeşlər üçün ayrılmış vauçerlər sabah saat 12:00-dan etibarən iTicket.az-da onlayn şəkildə satışa çıxarılacaq.

Matc.az xəbər verir ki, azarkeşlər əldə etdikləri vauçerləri oyun günü saat 16:00-dan 18:00-a kimi "Scandic Plaza Borås" (Allégatan 3, 503 32 Borås, Sweden) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 30 AZN-dir.

Vauçerləri əldə edən şəxslər vauçerləri biletə dəyişərkən xahiş olunur ki, şəxsiyyətinizi təsdiq edən sənəd üzərinizdə olsun!

Vauçeri əldə etdiyiniz zaman şəxsi məlumatları şəxsiyyətinizi təsdiq edən sənəddə olduğu kimi doldurmağınız xahiş olunur!

Qeyd edək ki, "Elfsborq" – "Qarabağ" oyunu dekabrın 13-ü saat 00:00-da (Bakı vaxtı ilə) start götürəcək.