Arda Gülər ​​və Endrik yanvarda “Real”dan ayrılmayacaq. Matc.az xəbər verir ki, bunu “kral klubu”nun baş məşqçisi Karlo Ançelotti deyib.

O, hər iki oyunçuya ehtiyac duyduqlarını açıqlayıb: “Endrik də Gülər burada qalacaqlar. Bəlkə onlara daha çox oyun vaxtı lazımdı. Amma mənim heç bir qərəzim yoxdu. 18 və ya 40 yaşından asılı olmayaraq, hər matça yalnız ən yaxşı oyunçuları çıxarmağa çalışıram. Gənclərə qarşı səbirli olmaq lazımdı. Onlar həvəslə doludurlar, lakin gənc olduqları üçün müəyyən şeyləri də öyrənməlidilər”.

Qeyd edək ki, Arda Gülər ötən ilin, Endrik isə bu ilin yayından “Real”ın formasını geyinir.