UEFA Avropa Liqasının Liqa mərhələsinin 6-cı turunda baş tutacaq “Elfsborq” - “Qarabağ” oyunundan əvvəl Ağdam təmsilçisinin baş məşqçisi Qurban Qurbanovun iştirakı ilə keçiriləcək mətbuat konfransı və komandanın açıq məşqinin vaxtı dəqiqləşib. Matc.az xəbər verir ki, bu barədə klubun mətbuat xidmətindən bildirilib.

İsveçdəki mətbuat konfransı bu gün Bakı vaxtı ilə 21:40-da reallaşacaq. Saat 22:00-da isə ilk 15 dəqiqəsi media nümayəndələri üçün açıq olacaq məşq başlayacaq.

Qeyd edək ki, dekabrın 12-də gerçəkləşəcək “Elfsborq” - “Qarabağ” görüşü saat 00:00-da start götürəcək.