Rəşad Sadiqov hakimləri və federasiyanı təhqir etdiyinə görə qırmızı vərəqə ilə cəzalandırıldığı üçün 5 oyunluq cəzalandırılıb.

Azərbaycan yığmasının sabiq futbolçusu, hazırda “Qarabağ”ın 17 yaşadək futbolçulardan ibarət komandasını çalışdıran Rəşad Sadiqov AFFA İntizam Komitəsi tərəfindən cəzalandırılıb. Matc.az xəbər verir ki, bu barədə AFFA-nın saytında məlumat verilib.

AFFA U-17 Liqasında keçirilən Sabah FK - Qarabağ FK oyununda Qarabağ FK komandasının baş məşqçisi Rəşad Sadiqov qarşılaşmanın 57-ci dəqiqəsində hakimləri və federasiyanı təhqir etdiyinə görə qırmızı vərəqə ilə cəzalandırılmasına görə 5 oyunluq cəzalandırılıb.

AFFA U-16 Liqasında keçirilən Səbail PFK - Turan Tovuz FK oyununda Turan Tovuz FK komandasının heyətində adı protokolda qeyd edilməyən 2 nömrəli futbolçu iştirak etdiyinə görə Turan Tovuz FK komandasına 0:3 hesablı texniki məğlubiyyət verilib.

AFFA U-14 Liqasında keçirilən Caspian FK-Metak FK oyununda Metak FK komandasının məşqçisi Zahid Tayıbov qarşılaşmanın 65-ci dəqiqəsində hakimi təhqir etdiyinə görə qırmızı vərəqə ilə cəzalandırılmasına görə 5 oyunluq cəzalandırılıb.

AFFA U-13 Liqasında keçirilən Zaqatala PFK-Kürmük (Qax) oyununda Zaqatala PFK komandasının baş məşqçisi Nəsib Əliyev qarşılaşmanın 50-ci dəqiqəsində hakimi təhqir etdiyinə görə qırmızı vərəqə ilə cəzalandırılmasına görə 5 oyunluq cəzalandırılıb.

AFFA U-13 Liqasında keçirilən UGİM(Siyəzən)-Şirvanovka FK oyununda Şirvanovka FK komandasının baş məşqçisi Habil Nurəhmədov qarşılaşmanın 51-ci dəqiqəsində hakimi təhqir etdiyinə görə qırmızı vərəqə ilə cəzalandırılmasına görə 5 oyunluq cəzalandırılıb.

AFFA U-10 Liqasında keçirilən Muğan PFK-Ahmedoğlu FK oyununda Ahmedoğlu FK komandasının məşqçisi Bəxtiyar Salmanov qarşılaşmanın 42-ci dəqiqəsində hakimi təhqir etdiyinə görə qırmızı vərəqə ilə cəzalandırılmasına görə 5 oyunluq cəzalandırılıb.