Orxan Azərbaycan çempionatları tarixində 30 və daha çox qol vuran 102-ci oyunçudu.

“Kəpəz”in futbolçusu Orxan Əliyev Azərbaycan çempionatlarında 30-cu qolunu vurub. Matc.az xəbər verir ki, bu barədə Peşəkar Futbol Liqası məlumat yayıb.

29 yaşlı futbolçunun yubileyi Misli Premyer Liqasının XVII turunun “Neftçi” ilə səfər görüşündə (1:2) qeydə alınıb. O, 30-cu qolunu 169-cu matçında vurub.

Əliyev “Sumqayıt”da 14, “Araz-Naxçıvan”da 9, “Kəpəz”də 7 dəfə fərqlənib. O, oynadığı klublardan “Xəzər Lənkəran”la “Zirə”də qol hesabını açmayıb.

Orxan Azərbaycan çempionatları tarixində 30 və daha çox qol vuran 102-ci oyunçudu. O, bu siyahıda Kamal Quliyev, Valter Quqlemon və Ceyhun Sultanovla 99-102-ci yerləri bölüşür.