"Barselona" futbolçu İbrahim Diarranı transfer edib. 

Matc.az xəbər verir ki, bu barədə Kataloniya klubunun mətbuat xidməti məlumat yayıb.

Bildirilir ki, o, komandaya "African Foot" adlı akademiyadan cəlb edilib. 

Diarra sağ vinger mövqeyində oynayır. Malili futbolçunun 18 yaşı ilin sonunda tamam olduğuna görə o, yanvara qədər "Barselona B" komandasında çıxış edəcək. 

Qeyd edək ki, "Barselona" İbrahim Diarra üçün cəmi 1,7 milyon avro məbləğində təzminat ödəyib.