"Real" bu yay müdafiəçiləri Eder Militao və David Alabanı zədələrinə görə satmaq variantını nəzərdən keçirməyə hazırlaşır.

Matc.az xəbər verir ki, bu barədə "Football Transfers" məlumat yayıb.

Bildirilir ki, Madrid klubu Alaba və Militaonun əvəzediciləri kimi "Liverpul"un mərkəz müdafiəçisi Vircil van Deyk və "Bayer"in müdafiəçisi Conatan Tanı nəzərdən keçirir. Bu iki futbolçunun klubları ilə müqavilələri gələn yay başa çatır.

Tanın "Real"dan başqa "Barselona" və "Bavariya"nın da izlədiyi vurğulanır. Öz növbəsində, van Deyk "Liverpul" ilə əmək müqaviləsini uzatmaq üçün danışıqları davam etdirir.