"Liverpul" 25 yaşlı hücumçu Darvin Nunesi satmağa hazırdır və onun yerinə kimin gələ biləcəyini artıq müəyyənləşdirib.

Matc.az xəbər verir ki, bu barədə "TEAMtalk" məlumat yayıb.

Bildirilir ki, mersisaydlılar "Nyukasl"ın hücumçusu Aleksandr İsak və "İnter"in hücumçusu Markus Tyuramla maraqlanır.

Qeyd edək ki, Nuneslə "Milan" da maraqlanır. İtaliya klubu "Liverpul"a hücumçunu yayda almaq öhdəliyi ilə bu mövsümün sonuna qədər icarəyə götürmək təklifi göndərib. Uruqvaylı futbolçunun transferi 45 milyon avro dəyərində qiymətləndirilir.