"Mançester Siti" 24 yaşlı sol cinah müdafiəçisi Andrea Kambiasonun transferi üçün "Yuventus"a 70 milyon avro təklif edə bilər.

Matc.az xəbər verir ki, bu barədə "Corriere dello Sport" məlumat yayıb.

Bildirilir ki, Mançester klubunun baş məşqçisi Xosep Qvardiola Kambiasonu almaqda şəxsən maraqlıdır. O, italyan futbolçunu satılmasını istədiyi 34 yaşlı Kayl Uokerin potensial əvəzləyicisi kimi görür.

İngilis nəhəngi Kambiasonu 70 milyon avroya alacağı təqdirdə, 24 yaşlı futbolçu PSJ-nin 68 milyon avro ödədiyi Aşraf Hakimi və "Çelsi"nin 65 milyon avroya aldığı Mark KuKurellanı qabaqlayaraq, dünyanın ən bahalı müdafiəçisi olacaq.