İtaliyanın "Komo" klubu ingilis yarımmüdafiəçi Dele Allini heyətinə qatdığını açıqlayıb.

Matc.az xəbər verir ki, bu barədə klubub rəsmi saytı məlumat paylaşıb.

Müqavilə 1,5 il müddətinə nəzərdə tutulub və daha bir mövsüm uzadılması mümkündür.

Qeyd edək ki, 28 yaşlı futbolçunun son klubu müqavilə müddəti 2024-cü ilin yayında başa çatmış "Everton" olub. Futbolçu daha əvvəl Türkiyənin "Beşiktaş" və London "Tottenhem"ində çıxış edib. O, İngiltərə millisində də 37 oyuna çıxıb və 3 qol vurub.