“Sabahkı oyunda qələbə qazanmaq istəyirik. Buna görə də səhv etməməliyik. Səhv buraxsaq, rəqib bunu bağışlamayacaq”. Matc.az xəbər verir ki, bunu "Qarabağ"ın baş məşqçisi Qurban Qurbanov deyib.

“Qarabağ” Avropa Liqasının Liqa mərhələsi çərçivəsində yanvarın 23-də Rumıniya təmsilçisi FCSB ilə qarşılaşacaq.

Görüşdən öncə mətbuat konfransı keçirən Q.Qurbanov yeni ilin ilk avrokubok oyunu haqda fikirlərini bildirib: “Matça pis hazırlaşmamışıq. Düzdü, bəzi problemlərimiz var. Amma hansı komandaya qarşı oynayacağımızın fərqindəyik. Rumıniya futbolu sərtliyi ilə fərqlənir. Öz sistemimizi daha da yaxşılaşdırmağa çalışacağıq. Bəzi məqamlara xüsusi diqqət ayırmalıyıq. Rəqib kimi, biz də qalib gəlmək niyyətindəyik".

Qeyd edək ki, Tofiq Bəhramov adına Respublika stadionunda keçiriləcək "Qarabağ" - FCSB matçı saat 21:45-də start götürəcək.