Təcrübəli müdafiəçi oyunda böyük çətinliklə üzləşdiklərini etiraf edib.

“Qarabağ”la oyuna yaxşı hazırlaşmışdıq. Ancaq rəqib ilk hissədə bizi təəccübləndirdi. Yaxşı ki, mənəvi gücün hesabına matçda geridönüş etməyi bacardıq”. Matc.az xəbər verir ki, bunu Rumıniyanın FCSB klubunun futbolçusu Valentin Kretsu deyib.

O, UEFA Avropa Liqasının Liqa mərhələsinin 7-ci turunda Bakıda "Qarabağ"a 3:2 hesabı ilə qalib gəldikləri görüşü şərh edib.

Təcrübəli müdafiəçi oyunda böyük çətinliklə üzləşdiklərini etiraf edib: “Erkən qol buraxdıq. Belə demək mümkündüsə, qarşılaşmaya 0:1 hesabı başladıq. Ancaq oyundan qopmadıq və sonadək mübarizə apardıq. Bunun sayəsində görüşü çevirə bildik. Səfərdə “Qarabağ”a qarşı oynamaq, həqiqətən də, asan deyildi. Bu mənada, qazandığımız qələbəyə görə çox sevinirik”.