Dortmund "Borussiya"sının gənc ulduzu Kərim Adeyemi "Napoli"yə keçməyə yaxındır.

Matc.az xəbər verir ki, bu barədə insayder Fabrisio Romano sosial şəbəkədə məlumat yayıb.

Bildirilir ki, klublar 23 yaşlı almaniyalının transferi ilə bağlı tam razılığa gəlməyə yaxındırlar.

Danışıqlar qabaqcıl mərhələdədir, yarımmüdafiəçinin potensial transfer qiyməti 40 milyon avro civarındadır.

Qeyd edək ki, Adeyemi bu mövsüm bütün turnirlərdə 13 oyun keçirib, 5 qol vurub və 5 məhsuldar ötürmə edib.

23 yaşlı yarımmüdafiəçinin klubla hazırkı müqaviləsi 2027-ci ilin yayına kimi nəzərdə tutulub. "Transfermarkt" portalında futbolçunun bazar dəyəri 35 milyon avrodur.