"Neftçi" Misli Premyer Liqasının 20-ci turunda qarşılaşacağı "Araz-Naxçıvan"la oyunun hazırlığını başa vurub.

"Neftçi" Misli Premyer Liqasının 20-ci turunda qarşılaşacağı "Araz-Naxçıvan"la oyunun hazırlığını başa vurub. 

Matc.az xəbər verir ki, bu barədə Bakı klubunun mətbuat xidməti məlumat yayıb. 

"Neftçi" Futbol Mərkəzində keçirilən oyunöncəsi son məşqdə "ağ-qaralar"ın futbolçuları Rəhman Hacıyev, Rafael Quzzo və Dembo Darbo zədə səbəbindən iştirak etməyiblər. Onlar ötən turda "Sabah"la matçda olmadıqları kimi, sözügedən görüşü də buraxacaqlar.

Qeyd edək ki, "Araz-Naxçıvan" – "Neftçi" qarşılaşması sabah saat 16:00-da "Liv Bona Dea Arena"da keçiriləcək.