Braziliya millisi və "Real"ın hücumçusu Endrik bu qış Madrid klubunu tərk etməyəcək.

Matc.az xəbər verir ki, bu barədə məlumatı insayder Fabrisio Romano X sosial şəbəkəsində paylaşıb.

Bildirilir ki, "Real" və 18 yaşlı futbolçu yanvarda icarə əsasında ayrılmaq imkanını nəzərdən keçirmir. Braziliyalı forvard baş məşqçi Karlo Ançelottinin rəhbərliyi altında inkişaf edəcək və təkmilləşərək karyerasını Madrid klubunda davam etdirəcək.

Qeyd edək ki, Endrik bu mövsüm bütün turnirlərdə 19 oyun keçirib, 4 qol vurub və bir məhsuldar ötürmə edib.

18 yaşlı hücumçunun klubu ilə hazırkı müqaviləsi 2030-cu ilin yayına kimi nəzərdə tutulub. "Transfermarkt" portalında futbolçunun bazar dəyəri 40 milyon avrodur.