Səudiyyə Ərəbistanı Pro Liqasının 17-ci turunda "Əl-Nəsr" doğma meydanda "Əl-Fateh" ilə qarşılaşıb. Görüş "Əl-Nəsr"in 3:1 hesablı qələbəsi ilə yekunlaşıb.

Səudiyyə Ərəbistanı Pro Liqasının 17-ci turunda "Əl-Nəsr" doğma meydanda "Əl-Fateh" ilə qarşılaşıb.

Matc.az xəbər verir ki, komandalar Ər-Riyaddakı "Əl-Avval Park" stadionunda üz-üzə gəliblər. Görüş "Əl-Nəsr"in 3:1 hesablı qələbəsi ilə yekunlaşıb.

41-ci dəqiqədə "Əl-Fateh"in yarımmüdafiəçisi Mərvan Sadane topu öz qapısına göndərib. 57-ci dəqiqədə müdafiəçi Mohamed Simakan meydan sahiblərinin üstünlüyünü artırıb. 72-ci dəqiqədə qonaq komandanın hücumçusu Murad Batna fərqlənib. Oyunun yekun nəticəsi 87-ci dəqiqədə hücumçu Kriştiano Ronaldo tərəfindən müəyyən edilib - 3:1. Bu, Ronaldonun bütün yarışlarda vurduğu 920-ci qol olub.

Qeyd edək ki, 17 oyundan sonra "Əl-Nəsr" 35 xalla Pro Liqanın turnir cədvəlində 3-cü yerdədir. "Əl-Fateh" isə 9 xal toplayaraq sonuncu, 18-ci pillədə qərarlaşıb. Səudiyyə Ərəbistanı çempionatının turnir cədvəlinə 43 xalı olan "Əl-Hilal" başçılıq edir.