“Lion”un yeni baş məşqçisi müəyyənləşib. Matc.az xəbər verir ki, Fransa klubunu Paulo Fonseka çalışdıracaq.

51 yaşlı portuqaliyalı mütəxəssislə danışıqlar müsbət yekunlaşıb və şifahi razılıq əldə olunub. Fonseka hazırda 2024-cü ilin dekabrında ayrıldığı “Milan”la müqavilə məsələlərini həll edir.

Qeyd edək ki, “Lion” hazırda Liqa 1-də turnir cədvəlinin 6-cı pilləsində qərarlaşır.

***

12:16

“Lion” rəhbərliyi komandanın baş məşqçisi Pyer Sajı istefaya göndərib. Matc.az xəbər verir ki, rəhbərlik uğursuz nəticələrə görə bu qərarı qəbul edib.

Fransızlar vakant posta Paulo Fonsekanı gətirmək niyyətindədi. “Milan”ın sabiq çalışdırıcısı ilə danışıqlara start verilib.

Qeyd edək ki, Pyer Saj 2023-cü ildən “Lion”u çalışdırırdı.