Çempionlar Liqasında Liqa mərhələsinin 8-ci turunun oyunlarından sonra ölkələrin növbəti UEFA reytinqi açıqlanıb. Matc.az xəbər verir ki, Azərbaycanın mövqeyində dəyişiklik baş verməyib.

Belə ki, hesabında 19,625 xal olan ölkəmiz 28-ci pillədə qalıb.

Klublarımızın cari mövsümdəki qazancı 2,875 xala bərabərdir. “Qarabağ” və “Zirə” ölkə reytinqi üçün 1,250, “Sabah” 0,250, “Sumqayıt” isə 0,125 xal qazandırıb.

Qeydə alınan son nəticələrdən sonra cədvələ başçılıq edən İngiltərə ən yaxın izləyicisi ilə arasındakı fərqi artırıb. İngilislər İtaliyanı hazırda 13,501 xal qabaqlayırlar.